Bødvar segði, at onkur hevði spurt, um hann hevði fingið málingina ókeypis, hvør skal siga…..Nei, hann hevði valt litin, so at tað skal vera lætt at greiða fremmandafólki frá, hvar húsið er: tað er tað bláa húsið! voila!
Bødvar arbeiddi fullspeed upp á trappur, og sóljurnar prýða áarbakkan.
Ì morgin 15 juni verðir tann árligi Ruddingardagurin í Dali og Húsavík ! Byrjað verður við morgunmati Kl 9 og út á seinnapartin verður ábit, ætlanin er at grilla ! Ì Dali verðir " matstaðið " í Kampinghúsinum og í Húsavík er tað í Skúlanum !
Laura og Páll eru ferðaleiðarar okkara henda túr úr Skálavík til Sands eftir gomlu bygdargøtuni. Laura sigur frá tí, Heðin Brú sigur í prosastykkinum “Ovari vegur” í Búravninum. Vit byrja við Tálgargil. Steðga so á við ymsi pláss, sum Heðin Brú nevnir, eitt nú Ketilgróvsheyggj.
Vit sita undir Ketilgróvsheyggi, har ein ketil fullur av gulli liggur fjaldur, men oman á liggur ein eldspýtandi ormur og verjir. Laura lesur Heðin Brú.
Tifaldará er mark millum Skálavík og Sand, og Konfirmantsteinurin er eitt hav, sum lestrarbørnini høvdu til roysni at lyfta, men Heðin Brúsa eg-persónur kláraði ikki at lyfta tað og hevði næstan ætlað sær at rýma til Amerika saman við tveimum øðrum, sum heldur ikki kláraðu tað - til at sleppa undan skommini
Tá ið vit komu til Sands var kaffi og pannukakur við mølheyggjarnar. Ein so herligur túrur, og eitt so fínt hugskot. Hetta er nakað, sum ‘visit’stovurnar skuldu gjørt meiri av. Varðaranir eru stak illa farnir har á leið, og Visitsandoy hevur eina stóra uppgávu at røkja har, kanska ‘ung í arbeiði’ ella skótarnir kundu gjørt okkurt. OG tað skal helst gerast, meðan onkur enn livir, sum veit , hvar gøtan er.
Nógv fólk vóru í Eiriksgarði, nógv børn eisini. Burturfluttir dalbingar eru trúfastir at vitja aftur, tá ið okkurt er á skránni. Og hinar bygdirnar í oynni vóru eisini væl umboðaðar.
Nógvir góðir lutir vóru at vinna, men eg vann einki, jú okey, eg vann eitt lítið putlispæl. Vakrar troyggjur og leiku vóru eisini.
Oyragarðsklanurin taldi eitt dusin.
So er tað í morgin og sunnudagin! Basarurin verður í Eiriksgarði í Dali, soljóðandi lýsing stendur á FB.
Eydnuhjól verður í Dali, leygardagin 4 mai kl. 19:00 og sunnudagin kl. 17:00! Kaffisøla við breyði. Nógvir góðir lutir, so sum: Lomb, sodavatn, leikur og mangt annað. Lutaseðlar verða seldir: ein flogferð og annað:)
Dukkusong við seingjarklæðum.
Dukkan er á veg til Dals við kuffertinum.
