Wednesday, July 24, 2019

summar 2

Í Dali eru teir farnir at balla, og Sjúrður er væl mannaður, nú ið hann fer at reka. Eyðbjørg segði mær, at tey eru 13 fólk í húsi. Stuttligt at fáa so nógvar summargestir.


Teir ungu eru raskir, og Jónasa partur liggur ikki eftir.

Ein túrur í hesum guddómliga veðri gjøgnum bygdina er ein túrur gjøgnum minnisins mjørkadæmdu gongir. Vilhelmina veit frá mongum at siga, nú ið spurningar um tey, sum farin eru, troðka á.















Annfríð og Annfinnur

Skaddur/skadd ella skødd; skøddur/skødd. Vilhelmina er orðafróð, sum fáur.

Kristina er nú fimm ár

Emil skoðar hagabilin

Í Putlhúsi trívast vit væl inni, hóast gott útiveður er

Monday, July 22, 2019

Summar

Stuttligt at hava børn og barnabørn hjá sær í Dali. Har gekk nógv fyri seg, men eg eri ikki so víðfarin sjálv, so tað eru ikki myndir av øllum, sum hendi. Kristina súkklaði til ta stóru gullmedaljuna.


Magna, Emil og Madeleine spældu mest kort. Onkuntíð saman við Tórhild ella Elin í Rununi, og onkuntíð var Frida S. 4. maður.


 Á Toft hava tey reinskað túnið, so at tað nú er so nossligt.














Og so var hugnadagur á grótvirkinum í Skopun. Tær royndu seg á stúltum. Vit fingu høvi at gera eina grótmedalju og vit fingu vaflur og kaffi.



 Hann drívur á pedalirnar, og prinsessan situr upp á stás.

 Í Stórhúsi arbeiddu Jónleif og Símun Erik. Annar sló og hin smíðaði.

 Ein túr á Mølina í Skálavík máttu vit gera.
Kristina slapp at spæla røvarar og politi, til kl. hálvgun 12, og tað er hart.

Friday, July 5, 2019

Leika og lær í Dali

Á triðja sinni skipaðu feðgarnir Jónleif og Jóannes fyri summarskúla fyri børn og barnabørn hjá burturfluttum dalbingum, hesa ferð vóru 22 børn við. Skráin var lík skránni hini árini: Tey vóru í Syðsta haga og skóru torv, tey kliptu seyði og markaðu lomb. Síðani vitjaðu tey hús í Dali og skipaðu fyri kvøldsetu, har bygdarfólkið varð boðið við.

Eg havi sagt tað fyrr: hetta tiltak er einastandandi gott, pedagogiskt og sosialt. Aðrar bygdir í Føroyum áttu at tikið táttin upp, mest upplagt sjálvandi í eini lítlari bygd. Tak nú t.d. bygdir har sum eingi børn eru, har eru tó abba- og ommubørn ella langabba- og langommubørn, sum høvdu tímað og viljað brúkt eina viku í summarferiuni til at leika og læra. Men tað eru nokk ikki øll, sum eru so heppin sum vit í Dali at hava slíkar "all in one" eldsálir.
Ein næmingur helt, at Jóannes var "all in one" , tí hon hevði sæð hann sum dekn og lærara og annað við.
Heidi (Gerðagil), Magna (Putlhús), Sigrid (Klæmintstova)



Nú verður farið suður í haga.












Tann kreativi parturin lá ikki eftir í ár heldur, eitt modell av bygdini bleiv gjørt. Her síggjast Putlhús og Toft.

Seinasta dagin var kvøldseta í Eiriksgarði, og øll í bygdini vóru boðin við. Børnini høvdu fyrireika spurnarkapping og gitikapping.
Jón greiðir frá túrinum suðuri í Haga

Sigrid sigur søguna um lítla Klávur og stóra Klávus




Stuttligt at síggja Sam í Dali aftur, her saman við Jóan Peturi


Tuesday, April 30, 2019

EYDNUHJÓL

Nú verður aftur eydnuhjól í Dali.

Fríggjadagin kl. 18 og leygardagin kl. 16.

Nógvir góðir lutir og kaffisøla.





Wednesday, March 13, 2019

Á goymdar, gloymdar gøtur


SPENNANDI STEVNA Í DALI

Endamálið við tiltakinum er at geva fólki við tilknýti til Dals møguleika at møtast, minnast gamlar dagar, gleðast saman og fáa kunnleika til Dalsbygd sum heild. Niðanfyri kann lesast um tiltakið. Tilmelding Øll við tilknýti til Dals eru vælkomin at melda seg til. (verður tiltakið meir enn fullteknað og neyðugt verður at avmarka luttakaratalið, hava tey og makar teirra, sum gingu í skúla í Dali og eru fødd eftir 1954 fram í hjá rætt). Eingin grund er til at halda seg aftur, men neyðugt er hjá fyrireikarunum at hava eitt ella annað vegleiðandi mark fyri tilmeldingini. Tað ber til at melda til á facebook og telefon hjá Johild Grothsdóttir Nólsøe tlf 220969 og Jónleif Johannesen 742200. Eisini kann meldast til á facebook bólkinum “á goymdar gloymdar gøtur”, ið er upprættaður til tiltakið. Børn kunnu ikki tilmeldast.


Tilmeldingarfreist: 15. mai 2019. Kostnaður: Ikki ásett enn, men væntandi kemur tiltakið at kosta uml. 400kr pr.persón. Innivist: Luttakararnir mugu sjálvir skaffa sær innivist hesar dagarnar.



 Tíð:       28/29/30 juni 2019
 Stað:    Dalur
Skrá:
Fríggjakvøldið 28 juni: 18.00 møguleiki er at heingja gamlar myndir upp, sum vit so kunnu brúka at minnast afturá við og fáa hugnaligt prát um. Tey, ið vera so beinasom at taka onkra mynd við, hava sjálvi ábyrd av myndini.
19.00 fyrilestur um bygdina. Greitt verður frá Dalsbygd í søgu og søgn.
20.30 børn eru børn og tað vera vit við ( vit spæla útispøl frá okkara tíð).
22.30 - 0.00 (Alt bygdafólkið verður boðið við). Dalur sum song og dansibygd. Vit hoyra hugleiðingar um evnið og hugna okkum saman.
Leygardagin 29 juni 9. 30 - uml.15.00 útferðir við frásøgufólki. Veljast kann millum A,B,C og D.
A)     suður í Skor við báti
B)     eftir bydgagøtu til Húsavíkar
C)     suður í Skor til gongu. Skera torv á vegnum.
D)    suður í haga at skera torv og vitja Glívur

16.00 - 18.00 Túrur í bygdini við heitinum. Tey, ið undan fóru. (Tosað og greitt verður frá um fólk og vinnuvirksemi í Dali síðstu øldina).
19.00 Hugnaløta við mati, spurnarkapping, hugleiðingum, røðum og sangi. (Alt bygdafólkið verður boðið við). Luttakararnir taka sjálvi mat við til eitt felags kalt borð.
23.00 Føroyskur og harmonikudansur
Sunnudagin 30 juni 11.00-11.30 Fyrilestur um kirkjuna í Dals kirkju.
12.00-13.00 Guðstænasta


Thursday, January 31, 2019

Vitus áttatati

Stórkavi, skuldi ikki verið so óvanligt í januar, men tað er tað kortini, tí at tey seinnu árini hevur mest bara verið regn og vindur og krapi. Men vit fóru suður í hesum góða kavaveðrinum, vansin var, at vit skuldu norðuraftur beinanveg, tí at føðingardagurin var mitt í viku. Men Vitus hevði rundan dag, so vit løgdu á fjørðin. Vit høvdu sletur við, og tá ið vit komu áraka Bakkahúsini, settu vit børn og sletur av. Tað var stuttligt.



Á Bakkanum var nátturðaborðið klárt, og tað var ikki smávegis borð. Alt lekkurt bæði matur og kakur.


Vitus sat í sínum stóli og læt seg heiðarað og avmyndað. Dalbingar komu inn á gólvið at ynskja Vitus gubba tillukku. Vit og Heiðveig og Jógvan komu úr Havn, og blomstur komu úr Belgia. Stuttligt at bilur kom gjøgnum kavan við bukettini frá FS. Mangt ber til við góðum samskiftismøguleikum.






Kristina hevur tikið myndina, hon tók, til battaríið var uppi :)

Góði Vitus gubbin hjartaliga tillukku!