Monday, March 30, 2015

Felagsvenjing í Dali

 

002

Sløkkiliðini í oynni møttust leygardagin í Eiriksgarði, ein reystligur hópur av monnum – 4-8 menn úr hvørjum sløkkiliði.

009

Símun Hannus var vertur hesa ferð. Eg skilji , at venjingin hevur áður verið gjørd í øðrum bygdum í oynni, felagsvenjing er umleið 4 ferðir um árið. Eitt tiltak, sum skal førleikamenna og samansjóða brandmenninar í oynni.

Pól Jákup beyð vælkomin.

011

Løgreglan var við í tiltakinum við einum fyrilestri um at varðveita slóðir ella spor. Síðani var ein leiting sett í gongd, og leitað varð í bygdini eftir einum barni og einum manni. Teir, sum eg tosaði við, lótu væl at venjingini. Hesa ferð varð dentur lagdur á radiosamskifti.

008016017

Friday, March 20, 2015

Sólarmyrking í Dali

 

11084278_670886663033198_2620563563456636175_n

Mynd hjá Róðu Bødvarsdóttur

Tað var gott, at vit fóru til Dals at uppliva sólarmyrking. Turið pakkaði børn, blæur og bomm í bilin og so avstað.

sólarmyrking 2015 016sólarmyrking 2015 017

Dagurin byrjaði tíðliga í Putlhúsi, tá fekk Kristina havragreyt, Vit hini fingu morgundrekka í Eiriksgarði kl. 8.30.

Hjartvard, sum skal konfirmerast annan sunnudag.

sólarmyrking 2015 019

Sólarmyrking 507 - CopySólarmyrking 508 - Copyunnamed

Og so gingu vit út og inn og hugdu at sólini, og vit fingu alt við! Hygga mánin, segði Magna, tá ið sólin var hálv undir og sá nett út, sum vit altíð tekna mánan.

sólarmyrking 2015 026

Tá ið vit høvdu ornað okkurt í Putlhúsi´, fóru vit aftur í Eiriksgarð at eta breyð og viðskera. Deiligar tartelettir og herligt kjøt upp á breyð, og klattur og vafflur.

sólarmyrking 2015 027

Allir dalbingar vóru komnir saman – og tveir turistar úr Sveis. Teir vóru komnir á súkklu í gjár, teir síggjast aftanfyri genturnar.sólarmyrking 2015 028

Áðrenn vit fóru til Havnar aftur fóru vit til Skálavíkar, tí at har høvdu tey lýst við føroyskum dansi klokkan 13. Har var ikki ordiliga nakar dansur, tá ið vit komu. So spurdu tey, um vit kundu skipa okkurt, tí at hann , sum tey høvdu biðið, hevði gloymt tað. Well, vit løgdu fyri við “Veturin kom”, og so ornaði Herbert rest, hann tók fyrst “Øskudólg” og so “Burtur á heiði”. Eg havi tíverri onga mynd, tí eg var so hugtikin av hansara kvøðing og hansara serliga stevi, at eg gloymdi alt um myndatól.

Magna gevur Kristinu vafflur.

sólarmyrking 2015 040sólarmyrking 2015 042

Mynd tikin við mínum myndatóli v/zoomi

sólarmyrking 2015 033