Drotningin á Bakkanm 70, framhald 2

Tá ið vit høvdu etið, var farið upp á gólv brøðurnir í Stórhúsi og Annfin løgdu fyri, og aftaná spæli harmonika til eingilskdans. Eg nýtti høvi at taka myndir av Turið og hennara 5 børnum og teirra makum. Og nakrar myndir eru av øðrum gestum eisini.

Drotningin á Bakkanum 70, framhald

Veitslumaturin var ræst kjøt og súpan og sviskutrifli omaná. Beinanvegin tú komst í Eiriksgarð kendi tú tann matliga roykin av røstum kjøti, og tú vart ikki svikin. Úrvalskostur, afturvið vóru epli og røtur av Sandi. Skeinkjarar buðu snaps og øl og sodavatn var á borðinum. So har var einki spart. Heiðveig talaði einar 3 – 4 ferðir, Annfinn helt, at um ein talaði 3 ferðir, so var í lagi , men 4 ferðir ella fleiri , so var tú rukka. Men Heiðveig hevur eitt skemtingarsamt lyndi, og hennara talur og hennara sangur vóru væl fagnað.



Góðar sangkreftir og tónleikarar vóru eisini. Tórur var heima ein svipp, og hann spældi harmoniku, og Emil spældi gittar, so streingirnir fuku um oyrini. Vilhelmina segði nøkur orð um, Turiðsa og sína egnu felags heimbygd Skálavík.

Til drotningina á Bakkanum

Lag: Lili Marleen
1. Her suðuri í Dali her býr ein kvinna bold,
Hon hevur livað nøkur ár á hesi føgru fold,
Sjey ferðir tíggju tey eru í alt ,
Eg havi sjálv tey saman talt
Nú Turið heilsu fær
Frá tær og so frá mær.
2. Putlhúsdreingir tríggir teir hava góða tíð,
Hjá mammuni í Dali har manglar einki í,
Ikki teir vilja leypa framav ,
Tó hoyrdist nú eitt lítið skav,
Ein genta ella mús
Er komin her í hús!
3. Í Putlhúsi eitt kvøldið, eg hitti hana fyrst,
Hon hevði tendrað Vitus, ja tað er púra vist,
At fara til seyðin tók tímar tveir
í minsta lag, ja stundum meir,
og hvar bleiv Vitus av?
og hvar bleiv Vitus av?

4. Á Bakkanum hon trívist, hon hevur har sítt slott,
Hon gestablídni vísir tær, sum fer á hennar gátt,
Ja heimabakað: drýl og breyð,
Hon ber á borð og køkur sjey,
Tí Turið dugir alt!
Tí Turið dugir alt!
5. Familjulív á Bakkanum, tað telur hesi tvey,
Og Kommurin tað triðja, hann líður onga neyð:
Tí Turið hon elskar heitt sín Komm,
Og Kommurin hann fær eitt bomm,
Tá Vitus ikki sær,
Tá Vitus ei er nær.
6. Í húsinum hon virkar og arbeiðir hvønn dag,
Hon bindur til øll síni, tær troyggjur rað á rað,
Og nógvar av teimum sonn listaverk,
So handfríð er og mótasterk.
Tí Turið fylgir við,
og velur rætta snið!

7. Tá Turið fer til telduna, hon sveimar út í heim,
Hon skeipar , kjattar, meylar og heldur sær á gleim,
Har hittir hon børn og ommubørn,
Í Hirtshals og við Reykjatjørn
Tí Turið er global,
Tí Turið er global.
8. Vit enda hesa vísu og bera Turið tøkk,
At ballið sum hon heldur, til øll okkum røkk
Á flog’, við bát’ frá nær og fjar,
Vit enda nú og ynskja tær
Tillukku góða tú!
Tillukku góða tú!
Tójlgreb

Drotningin á Bakkanum 70

Nógv fólk var á Bakkanum. Fyrireikingar vóru í dansistovuni til tann stóra dagin. Borðreitt var til 120. Barbara og Dávur og genturnar høvdu pyntað borðini, og tað sá festligt út.

Turið og Vitus sótu til háborðs tveyeini, eg setti meg hhjá teimum eina løtu. Turið fekk fleiri sangir og nógvar talur. Óli, eldri sonur Turið legði fyri, og tað var sum eitt ævintýr. Hann segði frá teirra egnu “Sporløst” søgu, um systrina, sum nú endiliga sat saman við hinum 4 systkjunum. Tinna og maður hennara Bjarni vóru komin úr Íslandi í føðingardag, og tað var ein sera rørandi og kensluborin hending hjá Turið at síggja dóttur sína aftur eftir so mong ár. Á hesi myndini sæst Tinna ímillum Óla og Lias.

Stórur dagur hjá drotningini á Bakkanum

Turid heldur 70 ára fødingardag í dag. Hurrá!
Turid hevur fingid nýggja teldu í fødingardagsgávu frá synunum, hurrá; tad er hendan, sum eg brúki.
Eg skrivi ein blogg í morgin, og tá kæru lesarar síggja tit myndir.