Havi ofta dansað saman við útlendingum, tey koma uppí, læra seg stevið og ganga runt. Summi læra ikki stevið, men ganga og práta og gnisa í dansinum….
Jóannes greiðir frá innihaldinum í Ole Morske
men so var ikki í Dali í gjár, eini 10-12 svenskir dansarar vóru í dansi í Eiriksgarði, tey dansaðu við av heilum hjarta. Vit kvóðu Ólav Riddararós, og hvat so? nú tríva tey í Olof och ãlvorna, og tey stíga fast og øll syngja niðurlagið. Tey hava ikki somu rútmu sum vit, men vakurt mál og vakurt dansilag. Tríggjar aðrar vísur vórðu havdar, ein æt Svinehãrden, um ein svínahirða, sum veruliga var kongssonur, ein onnur var um ein orm, sum slapp at sova hjá eini ungmoy og so vísti seg at vera kongssonur. Tað er fyrstu ferð, eg havi dansað føroyskan dans við svenskum vísum.
Vilhelmina fær frágreiðing um eina svenska vísu
Marius á Klettum og konan práta við ein av svenskarunum.
Gólvið í Eiriksgarði slapp at standa sína roynd enn einaferð, tá ið vit dansaðu Ole Morske, og svensku gestirnir hildu, at hatta var eitt løgið men stuttligt gólv.
Prátaði aftaná við Nannu Hermansson, sum er ferðaleiðari, hon er svensk, men tosar føroyskt. Hon er formaður í felagnum Føroyar-Svøríki og hevur bæði studerað og arbeitt í Føroyum. Hon greiddi frá einum symposium, sum var í 2007, og sum nólsoyingar vóru við í. Hon gav mær ein bókling við fyrilestrum. Eitt sera gevandi kvøld í Dali.
Nanna Hermansson í práti við Oddvør og Katrinu
úr bóklinginum Balladdans I Norden. Symposium Stockholm 8-9 nov 2007
No comments:
Post a Comment